Элчи
Ўзбекистондаги АҚШ Элчилари (1992 – 2007)
ЖОН РОБЕРТ ПУРНЕЛЛ
Америка Қўшма Штатларининг Ўзбекистондаги Элчиси
(2004 йил январь – 2007 йил апрель)
 |
| Жон Р. Пурнелл |
Жаноб Пурнелл АҚШ Олий дипломатия хизматининг малакали ходимидир. Бирмунча аввал у Америка Қўшма Штатларининг Москвадаги Элчихонасида сиёсий масалалар бўйича маслаҳатчи лавозимига тайинланган. Шунингдек, у АҚШ Давлат Департаменти бош инспектори Бошқармасида катта инспектор лавозимида фаолият олиб борган. Бунгача жаноб Пурнелл МДҲ масалалари бўйича Давлат котиби махсус маслаҳатчисининг муовини лавозимида ишлаган. Жаноб Пурнеллнинг чет элда юритган фаолияти давомида эгаллаган лавозимлари қаторига АҚШнинг Олма-Отадаги (Қозоғистон) дипломатик миссияси бошлиғи ўринбосари (1997-2000 йиллар) ҳамда АҚШнинг Санк-Петербургдаги (Россия) Бош консуллиги бош мулозими ўринбосари (1989-1992 йиллар) киради. Шунингдек, у Австриянинг Вена шаҳрида Американинг қуролланишни назорат қилиш бўйича шартли делегацияси таркибида ва Либериянинг Монровия шаҳрида (1980-1981 йиллар) иш олиб борган. 1982-1984 йилларда у Москвада ишлай бошлади. Вашингтонда ишлаб турган ҳолда жаноб Пурнелл Россия ва Украина масалалари билан шуғулланди. 1993-1996 йилларда у АҚШ Давлат Департаментининг Украина, Белоруссия ва Молдова масалалари Бошқармасида директор вазифасида фаолият юритди. 1986 йилда эса элчи Жек Метлокнинг миллий хавфсизлик масалалари бўйича махсус ёрдамчиси этиб тайинланди. Жаноб Пурнелл АҚШ Давлат Департаментининг «Аъло даражадаги хизматлари учун» ва «Махсус хизматлари учун» фахрий мукофотлари билан тақдирланган. АҚШ Давлат Департаментида иш бошлашдан илгари жаноб Пурнелл Массачусетсдаги Одюбон жамиятида атроф-муҳитни муҳофаза қилиш соҳасидаги таълим бўйича мутахассис сифатида ишлаган. Бу даврда у экология муаммоларига катта эътибор қаратган. Жаноб Пурнелл Массачусетс штатининг Норвуд шаҳрида туғилган. 1966 йилда Норвуддаги ўрта мактабни тамомлаган. 1970 йилда Браун Университетида Европа тарихи бўйича бакалавр даражасини олган. 1973 йилда эса Ҳарвард Университети унга Совет Иттифоқини тадқиқ этиш соҳаси бўйича магистр даражасини берган. Жаноб Пурнелнинг 3 нафар фарзанди бор.
Жон Пурнелл ўз ишонч ёрлиғини Ўзбекистон Республикаси Президенти Ислом Каримовга 2004 йилнинг 28 январида топширган. Элчи Жон Пурнелл Ўзбекистондан 2007 йил 28 апрелда кетган.
ЖОН ЭДВАРД ХЁРБСТ
Америка Қўшма Штатларининг Ўзбекистондаги Элчиси
(2000 йил ноябрь – 2003 йил июль)
 |
| Жон Э. Хёрбст |
Бирмунча аввал у янги мустақил давлатлар масалалари билан боғлиқ муҳим топшириқлар бўйича элчининг биринчи ўринбосари, МДҲ масалалари Бўлими директори ҳамда минтақавий масалалар бўйича Яқин Шарқ бюросининг директори лавозимларида меҳнат қилган. Шунингдек, жаноб Хёрбст АҚШнинг Тель-Авив, Москва ва Ар-Риёд шаҳарларидаги элчихоналарида сиёсий масалалар бўйича маслаҳатчи вазифасида ишлаган. У дипломатик фаолият билан 1979 йилдан шуғуллана бошлаган. Жаноб Хёрбст 1952 йил 12 августда Нью-Йорк штатининг Роквилл-Центр шаҳрида таваллуд топган. 1974 йилда у Жоржтаун Университетида дипломатия соҳасида бакалавр даражасини, 1978 йилда эса Флетчер номидаги дипломатия ва ҳуқуқшунослик Мактабида (Медфорд, Массачусетс штати) ҳуқуқшунослик фанлари ва дипломатия соҳасида магистр даражасини олган. У рус тилида равон сўзлашади, араб тилидан бохабар. Жаноб Хёрбст ва унинг рафиқаси Надежда Кристоф Хёрбст хонимнинг 5 нафар фарзандлари бор.
Элчи Хёрбст Тошкентга 2000 йилнинг 28 октябрида келган ва ўз ишонч ёрлиғини Ўзбекистон Республикаси Президенти Ислом Каримовга 2000 йил 1 ноябрда топширган. Элчи Жон Эдвард Хёрбст Ўзбекистондан 2003 йил 12 июлда кетган.
ЖОЗЕФ А. ПРЕСЕЛ
Америка Қўшма Штатларининг Ўзбекистондаги Элчиси
(1997 йил ноябрь – 2000 йил октябрь)
 |
| Жозеф А. Пресел |
У Туркия, Франция, Москва ва Белградда (миссия бошлиғи ўринбосари) ишлаган, икки марта Венада қуролланишни назорат қилиш бўйича Америка делегацияси таркибида Қўшма Штатлар вакилининг ўринбосари бўлган. Дипломатик фаолият билан шуғулланар экан, Жозеф Пресел икки марта қуролланиш ва қуролсизлантиришни назорат қилиш Бошқармасига тайинланди, Европада, ҳарбий-сиёсий ва халқаро ташкилотларда, шунингдек, АҚШ Давлат Департаментининг бир неча бўлимларида меҳнат қилди. У Ҳарвард коллежини тамомлаган, Сан-Антониодаги коллеж ва Оксфорд Университетида сабоқ олган.
Жаноб Преселнинг турмуш ўртоғи Клэр-Лиз Джунэд Пресел.
Жозеф Пресел элчи лавозимига 1997 йилнинг 10 ноябрида тайинланган, ишонч ёрлиғини Президент Ислом Каримовга 1997 йилнинг 3 декабрида топширган. Элчи Пресел Ўзбекистонда 2001 йилнинг 21 октябригача бўлган.
СТЭНЛИ Т. ЭСКУДЕРО
Америка Қўшма Штатларининг Ўзбекистондаги Элчиси
(1995 йил август – 1997 йил октябрь)
 |
| Стэнли Т. Эскудеро |
6 ноябрда Сенат уни элчи лавозимига тасдиқлаган. Жаноб Эскудеро АҚШнинг Ўзбекистондаги элчиси лавозимида 1995 йилнинг августидан 1997 йилнинг октябрь ойигача иш олиб борган.
ГЕНРИ ЛИ КЛАРК
Америка Қўшма Штатларининг Ўзбекистондаги Элчиси
(1992 йил август – 1995 йил сентябрь)
 |
| Генри Ли Кларк |
У Бухарестда Миссия бошлиғининг ўринбосари бўлган. Жаноб Кларк АҚШнинг Ўзбекистондаги биринчи элчисидир. Унинг саъй-ҳаракати билан бу ерда доимий Элчихона очилган. 1995 йилдан 1998 йилгача Элчи Кларк АҚШ Давлат Департаментининг Америка миллий ҳарбий коллежидаги бош вакили бўлган. Кейинчалик, у Давлат Департаментида нацистлар ва коммунистик режим даврида ноқонуний тортиб олинган мулкни қайтариш масалалари бўйича катта маслаҳатчи лавозимини эгаллаган. 2001 йилнинг апрель ойида элчи Генри Ли Кларк Брчкода кузатувчи этиб тайинланган. У Дармут коллежи ҳамда Ҳарвард Университетининг Жон Кеннеди номидаги бошқарув факультетида илмий даражалар олган.
