2009 йилдаги дастурлар ва тадбирлар
Ўзбек журналистлари рақамли технология кўмагида иқтисодий масалаларни таҳлил қилишмоқда (07/30/2009)
30-июл куни АҚШ Элчихонаси жорий глобал иқтисодий инқирозни муҳокама қилиш мақсадида Ўзбекистоннинг турли вилоятларидан ташриф буюрган 45 нафар журналистлар учун Йель Университети Менежмент Олийгоҳининг Иқтисодий фанлар бўйича Профессори Доктор Ж. Шиллер иштирокида Рақамли Видео Конференция (DVC) уюштирди. Профессор Шиллер Америкалик иқтисодчи, академик соҳа ходими ҳамда дунёнинг 100 та энг кучли иқтисодчилари қаторидан жой олган, асарлари энг кўп сотиладиган муаллиф ҳисобланади. Телемулоқот бошланишидан аввал Ўзбекистон Ташқи иқтисодий алоқалар вазирлигининг вакили Ўзбекистондаги ҳозирги иқтисодий вазият ҳақида сўз юритди.
“Бугунги кундаги жаҳон молиявий ва иқтисодий таназзули сўнгги ўн йилликларда рўй берган энг оғир таназзуллардан бири бўлди. Аммо жаҳоннинг етакчи мамлакатларидан келаётган сўнгги маълумотларга кўра, вазият бир мунча яхшиланмоқда. Жаҳон иқтисодиёти аста-секин шок ҳолатдан чиқиб, қайта тикланмоқда”, деди Профессор Шиллер телеконференция давомида.
Профессор Шиллер ҳозирги жаҳон молиявий таназзулининг сабаблари ва унинг Марказий Осиёга кўрсатиши мумкин бўлган таъсирлари ҳақида ўзининг мулоҳазаларини журналистларга маълум қилди. Унинг таъкидлашича, молиявий инқироз асосан ишонч даражасининг ошиб кетиши натижасида нархларнинг ҳаддан зиёд кўтарилиб кетиши билан боғлиқдир. Профессор Шиллернинг айтишича, “истеъмолчининг ҳиссиётлари ва хатти-ҳаракати” га оид бўлган “иқтисодий назарияда туб-бурилиш” бўлиши керак. Экспортга боғлиқ бўлган мамлакатлар “ўз иқтисодиётларини диверсификация қилган ҳолда тахликалардан ҳимояланиш” керак, деб қўшимча қилади у. Унинг яна айтишича, жаҳон иқтисодиёти борган сари интеграллашиб бормоқда, натижада, Ўзбекистон ҳам бошқа барча мамлакатлар қатори жаҳон иқтисодиётида ўз қатнашувини оширади.
Иқтисодиётда давлат аралашуви қандай даражада бўлиши керак деган саволга, Профессор Шиллер аэропорт мисолини келтирган ҳолда жавоб берди. Унинг таъкидлашича, ҳукумат авиадиспетчер ролини бажариши лозим; ҳеч қандай тасодифларга йўл қўймаган ҳолда самолёт қўниши ва ҳавога кўтарилишида ёрдам бериши керак. Бундай авиадиспетчерсиз, хаос ва фалокатларнинг юзага келиш эҳтимоли кучаяди. Қисқача айтганда, унга кўра, “чекланган миқдорда ҳукумат бошқаруви зарурдир, аммо тадбиркорликни доимо рағбатлантириш лозим”.
АҚШ Элчихонаси ҳар ойда маҳаллий ОАВ учун йиғин, бошқача айтганда, “Пресс Гап” ташкил этади. Агар сиз журналист бўлсангиз ва келгуси Пресса Гап учрашувларимизда қатнашиш ниятингиз бўлса, элчихона Матбуот бўлими билан ушбу манзил орқали боғланинг: TashkentPressCenter@state.gov.