2009 йилдаги дастурлар ва тадбирлар
Салса ва Меренге хафталик Чай Чат учрашувини қиздирмоқда (08/14/2009)
Олe! Лотин Америка рақси тарихини ўрганиш ва Лотин Американинг иккита машҳур рақси - Салса ва Меренгенинг асосий ҳаракатланиш услубларини амалда қўллаш учун 14-августда олтмишдан ортиқ турли ёшдаги қатнашчилар элчихонага ташриф буюргач, АҚШнинг Тошкентдаги элчихонаси бир кун давомида лотинча рақс марказига айланди. АҚШ аҳолисининг талайгини фоизини келиб чиқиши Лотин Америкаликлар ташкил қилар экан, Лотин Америка рақси Америка маданиятининг ажралмас бўлагига айланди ва лотинча рақс мавзусига ихтисослашган тунги клублар ва рақс тўгаракларига қатнашаётган турли ирққа мансуб америкаликлар сони тобора ошиб бормоқда.
Вице-консул Шон О’Хара ва Хўжалик бўлими бошлиғининг ёрдамчиси Яся Петрова олиб борган ушбу тадбирда, иштирокчилар салса мусиқасидан парчалар тингладилар ва рақсга оид видеоклипларни томоша қилгач, ўзлари ҳам рақсга туша бошладилар. Яся Петрованинг айтишича, замонавий Лотин Америка рақси жуда жўшқин ва ўз-ўзини ифода этиш ҳақидадир. Аслида рақслар ижтимоий рақс сифатида бир шерик билан ижро этилади, лекин соло турлари ҳам мавжуд. Рақслар сон ва тизза ҳаракатлари ва жуфтлик ўртасидаги риштага урғу беради. Баъзи рақслар яқин қучоқ ҳолатида тушилади, бошқалари эса кўпроқ анъанавий ҳолатда бажарилади ва жуфтликлар гавдаларини текисроқ тутиб турадилар. О’ Хара ва Петрова дастлаб қатнашувчиларни Салса билан таништирар эканлар, “салса” сўзи аччиқ “жазиллатадиган” соус маъносини англатишини ва бу ном оёқларнинг тез ҳаракати ва айланишларни талаб этадиган ушбу рақсга чинданда мос тушганлигини айтиб ўтишди. Доминикан Республикаси ва Ҳаити миллий рақси бўлган Меренге рақси бўйича машқ бу галги интерактив Чай Чатга якун ясади.
Иштирокчилар ҳатто машқлар поёнига етгандан сўнг ҳам ташқарида рақсга тушишни давом эттирдилар. АҚШ элчихонаси ҳар жума куни Чай Чат учрашувларини уюштиради. Инглиз тилларини тажрибада қўллаш билан бир қаторда Америка маданиятининг турли ҳил кенг кўламдаги мавзуларини ўрганишни истаган кенг жамоатчилик вакиллари ушбу завқли ва кўнгилочар муҳитда ўтказиладиган тадбирларда иштирок этишлари мумкин.