Элчихона янгиликлари
Дипломатлар орасида футбол турнири бўлиб ўтди
Ўтган дам олиш кунлари Америка Қўшма Штатларининг Тошкентдаги Элчихонаси ходимлари футбол мусобақасида қатнашди. Унда Тошкентдаги турли дипломатик миссияларнинг вакиллари мини-футбол бўйича мусобақада иштирок этиб, ўз маҳоратларини намойиш этдилар. Турнирда АҚШ Элчихонасидан икки жамоа иштирок этди: Элчихона маҳаллий қўриқчи ходимларидан (МҚХ) иборат ажойиб ўйинчилар жамоаси ва АҚШни намоён этишга бел боғлаган америкалик дипломатлар ва уларнинг оила аъзоларидан иборат иккинчи жамоа. Шанба куни Ўзбекистон ҳукумати ташкил этган турнирнинг очилиш маросимидан сўнг квалификацион ўйинлар бўлиб ўтди.
Якшанба куни эса МҚХ жамоаси финалга чиқиб, ўта рақобатли кечган ўйинда иккинчи ўринни эгаллади. “DHL” ва “Билайн” компанияларини намоён этувчи жамоалар эса 1 ва 3-ўринларни эгалладилар. Бизнинг дипломатлардан иборат жамоамиз саралаш ўйинларига етиб бормаган бўлса-да, тажрибалироқ жамоаларга рўбарў бўлди, хусусан Италия (0:5), Россия (1:9) ва Ўзбекистон Ташқи ишлар вазирлиги (6:7) жамоалари билан муросасиз ўйинлар олиб борди. Дипломатик миссиялар орасида Россия жамоаси 1-ўринни қўлга киритди, Ўзбекистон Ташқи ишлар вазирлиги (ТИВ) жамоаси иккинчи, Қозоғстон жамоаси эса 3-ўринни эгаллади. Турнирнинг «Энг зўр ҳужумчиси» соврини бизнинг элчи Ричард Норландга ТИВ жамоаси билан бўлган ўйинда урган икки голи учун тақдим этилди.
Ажойиб дам олиш кунлари жамоага хос ва дўстона руҳда ўтган ўйинларда иштирок этган барча ўйинчи ва мухлисларимизни табриклаймиз. Айниқса МҚХ жамоаси сардори бўлган Евгений Климов, дипломатларимиз сардори бўлган Марк Гески ва бизнинг турнирда иштирокимизни уюштирган Трейси Парксга алоҳида миннатдорлик билдирамиз. Келаси йил машғулотларда учрашгунча!
