2009 йилдаги дастурлар ва тадбирлар
АҚШ Элчихонаси Америка фильм фестивалига ҳомийлик қилади (10/29/2009)
Американинг жанубий-ғарбидаги ковбойлардан тортиб катта шаҳардаги муҳаббат мавзуларини қамраб олган Америка фильмлари 6-8 ноябр кунлари Тошкентда иккинчи йиллик Америка фильм фестивалида намойиш этилади.
Ушбу фильм фестиваль АҚШнинг Тошкентдаги Элчихонаси томонидан Ўзбекистон дўстлик Жамиятлари Кенгаши кўмагида ўтказилади. Кенг жамоатчилик инглиз тилида намойиш этиладиган еттита фильмларнинг барчасини бепул томоша қилишга таклиф этилади. Фильмларнинг иккитасида русча субтитрлар бўлади.
Ҳар бир фильм Америка Қўшма Штатлари урф-одати ва маданиятининг турфа жиҳатларини намойиш этиш мақасдида махсус танлаб олинган. Улар қаторида классик мюзикл, блокбастер триллер ҳамда болалар учун мультфильм ва бошқа фильмлар бор. Элчихона ходимлари ҳар бир фильм бошланишидан аввал унга тааллуқли мавзуларга оид муҳокама олиб борадилар ҳамда савол-жавоб ўйини ғолибларига китоб ва DVD каби совринларни тақдим этадилар.
2008 йил, яъни Америка фильм фестивали ўтказилган биринчи йилда мингга яқин одам Америка фильмларини томоша қилгани келган. Бундай қизиқиш даражаси фестивални йиллик тадбирга айлантириш фикрига олиб келди.
Америка фильм фестивалининг бу йилги жадвали қуйидагича:
6 ноябрь, Жума
19:00 Энни Ҳол. Кўпчилик 1977 йилнинг романтик комедиясини машҳур кинорежиссер Вуди Аленнинг энг яхши фильми деб ҳисоблайди. Ушбу фильмнинг Нью-Йорк шаҳридаги ҳаёт ва муҳаббат тасвири Америка кино-академиясининг энг нуфузли мукофоти - "Йилнинг энг яхши фильми" совринига эга бўлган.
7 ноябрь, Шанба
12:00 Ёмғирда қўшиқ айтиб. Америка киноматография институти раққос Жин Келли бош ролни ижро этган 1952 йилнинг ушбу фильмини тарихдаги энг яхши мусиқали фильм деб атаган.
15:00 Олтинчи ҳиссиёт. 1999 йилнинг ушбу ғайритабиий хислат ҳақидаги триллери Америка кино-академиясининг олтита мукофотига, жумладан "Энг яхши фильм" мукофотига тавсия этилганлиги сабабли сценарий ёзувчиси ва режиссер М.Найт Шямаланга машҳурлик олиб келган.
18:00 Жаззда фақат қизлар. 1959 йилда экранларга чиққан ушбу классик Америка комедиясида Мерилин Монро бош ролни ижро этган. Бу фильм русча субтитрлар билан намойиш этилади.
8 ноябрь, Якшанба
12:00 Қўнғиз ҳаёти. 1998 йилда ишланган ушбу Дисней/Пиксар фильми тўлиғича компьютерда ишланган дастлабки анимацион фильмлардан биридир.
15:00 Юмага поезд. Аксарият мунаққидларнинг фикрича, Америка жанубий-ғарбидаги чўлларда дордан қочиб юрган ковбой ролини ўйнаган Рассел Кроу иштирокидаги ушбу 2007 йил фильми яқин орада тасвирга олинган энг яхши вестерн фильмлар қаторидадир.
18:00 Шовшенкдан қочиш. Энг қаттиқ қўриқланадиган қамоқхонада суратга туширилган ушбу 1994 йилнинг оммаббоп драмаси таниқли муаллиф Стивен Кинг новелласи асосида ишланган. Русча субтитрлар билан намойиш этилади.
Барча фильмлар дўстлик Жамиятлари биносида (Ўзбекистон шоҳ кўчаси, 49а - аввалги номи Кино музейи) намойиш этилади.