Пресс-релизлар 2009
Генерал Петреус Ўзбекистонга ташриф буюрди (02/17/2009)
16-17 февраль кунлари Генерал Петреус Ўзбекистоннинг муҳим минтақавий хавфсизлик масалалари, хусусан, Афғонистон билан боғлиқ муаммоларнинг ечимига доир қарашларини эшитиш учун Тошкентга ташриф буюрди. Америка Қўшма Штатлари Марказий Қўмондонлигининг Қўмондони сифатида Генерал Петреус ўзи масъул бўлган ҳудуддаги ҳар бир мамлакатга ушбу мамлакатларнинг хилма-хил қарашларидан келиб чиқадиган масалаларни яхши англаб етиш мақсадида мунтазам сафар қилиб туради. У Ўзбекистон Президенти Ислом Каримов ҳамда Мудофаа вазирлиги ва Ташқи ишлар вазирлигидаги юқори лавозимли мулозимлар билан учрашди. Улар кенг кўламли мавзуларни, жумладан, Афғонистондаги хавфсизлик ва барқарорлик масаласини муҳокама қилишди.