Пресс-релизлар 2008
АҚШ патоген хавфсизлик қонунчилиги бўйича семинар ўтказди (10/09/2008)
АҚШ Давлат Департаменти, АҚШ Соғлиқни сақлаш ва ижтимоий масалалар департаменти ҳамда АҚШ Элчихонаси 8-9 сентябр кунлари “Интерконтинентал” меҳмонхонасида Ўзбекистон хукумати вакиллари учун патоген хавфсизлик қонунчилиги бўйича семинар ташкил этди.
Тадбирда Вазирлар маҳкамаси, Парламент, Соғлиқни сақлаш вазирлиги, Фавқулодда вазиятлар вазирлиги, Қишлоқ ва сув хўжалиги вазирлиги, Фанлар Академияси ҳамда Ташқи ишлар вазирлиги вакиллари иштирок этди. Элчи Ричард Норланд ушбу семинар қурол-яроғ тарқатиш ва терроризмга қарши курашда, АҚШ - Ўзбекистон хамкорлигининг яна бир намунаси эканини айтиб ўтди хамда ахолини хавф-хатардан ва саломатлигини сақлаш мақсадида, ғараз ниятда биологик қурол ва заҳарли моддалардан фойдаланишнинг олдини олишда ҳукуматлараро ҳамкорликнинг аҳамиятини урғулади. Ўзбекистон расмийлари Америка Қўшма Штатларига семинарни ташкил этгани учун миннатдорчилик билдирди.