Барак Обама: Америка Қўшма Штатларининг 44-Президенти
20 январь куни Барак Обама Америка Қўшма Штатларининг биринчи афро-америкалик етакчиси ҳамда 44-президенти сифатида президентликка қасамёд қилди.
Олий Суд раиси Жон Робетс АҚШ Конгресс биноси олида Обамани қасамёдга келтирди. 1861 йилда Президент Абраҳам Линкольнни қасамёдга келтириш учун фойдаланилган муқаддас “Инжил” китобига қўлини қўяркан, “Мен Америка Қўшма Штатлари президентлиги вазифасини садоқат билан бажараман”, деди Барак Обама.
Қасамёд қабул қилиб бўлгач, Президент Обама ўзининг Инаугурация Нутқи деб номланган илк нутқини ирод этди. У нафақат америкаликларга, балки бутун дунёда 2008 йил сайлов кампанияси, сайлаш жараёни ва янгиланиш даврини кузатиб борган миллионлаб кишиларга ҳам мурожаат қилди.
Америка Қўшма Штатларининг 44-Президенти этиб сайланган Барак Обама чин маънода америкача ҳаётни яшади ва Америка сиёсатидаги янги даврни бошлаб берди. “Барак Обама: Америка Қўшма Штатларининг 44-президенти” нашрида Обаманинг ҳаёти, унинг президентликкача босиб ўтган йўли ҳамда келажакдаги орзу-умидлари қаламга олинган. Шунингдек, унда Обаманинг оиласи ҳамда вице-президент Жозеф Байден ҳақида ҳам қизиқарли маълумотлар акс этган.